學霸
好多人都想做學霸。點解？因爲做學霸，可以攞到5**，可以入到想入嘅大學；因爲做學霸，可以唔溫書又攞高分；因爲做學霸，自然就喺呢個社會高人一等。差唔多每一個人放學後唔係返屋企瞓晏覺，而係趕住去唔知邊度補習。補完一科又一科，exercise做完一份又一份。
我想講咩？如果做學霸等於日以繼夜噉溫書、做數、背誦，呢分嘢（舊年CTP定OLE俾人寫啲appreciation）冇可能有呢啲「學霸」、「讀書叻」。我唔係嚟曬命*，雖然有啲人一定會噉講（呢個亦都係個制度嘅弊端之一，製造分立）。
究竟點樣做到唔使阿sir講，自己就明咗課堂內容？係要搵到人生目標。看似唔關事，但唔該睇埋落去。好多人都要屈服喺制度下。好多人連concept都唔明，以致學新concept無法重新應用（例如trigo同coordinates），雖然考試識答題目所以高分。
相信如果尼采在世，佢應該會激死，因爲人未搵到自己嘅方向／價值／學習嘅意義，一味追求他人set落嚟（而非自己定下）嘅標準。其實要喺學校成功，唔需要日操夜操，亦唔需要過度埋頭苦幹（當然有科目要背嘢就避免唔到）。可以運用尼采嘅哲學。
放心，好簡單，我呢個哲學入門級都識。一句講晒：要搵到自己嘅歸屬。我噏乜呢？假如我今日問你，你讀咁多書，畢業後會做咩呢？讀大學。讀完大學會做咩呢？搵工。做完嘢會做咩呢？享受退休生活。享受完會做咩呢？死。意義喺邊呢？冇意義，爲活着而活着，而唔係朝某個目標進發，亦唔知自己做緊乜。
大家都知道，喺十九世紀嘅歐洲，隨住科學發展，宗教備受質疑。尼采於是預測：二百年後（我睇嗰本書係話二百年，但上網search唔到），人將會失去外在嘅存在價值，係「God is dead」嘅時候，意思即係冇外在嘅精神支柱／引導。到時，世界會陷入「虛無主義」，而將會有兩種人：「Übermensch」同「Letzter Mensch」。前者識得用自己嘅「權力意志」（will to power）推動自己，以壯大自己爲目標。後者就係陷入虛無主義嘅人。我覺得世界的確向緊呢個方向發展緊（confirmation bias?）。
Übermensch點樣以增強自己爲目標推動自己？佢哋有自己嘅指標，並且從完成自己目標獲得前進嘅動力。點樣有自己嘅指標呢？我之前都提過，我今日嘅成就有賴普京，因爲俄烏戰爭激起咗我了解世界嘅心，成爲咗我畢生嘅目標。對我嚟講，明一樣嘢嘅快感係動力。之所以係噉，我先至有動力做好啲、做多啲，滿足自己嘅期望。我認爲所有人都應該要噉。>>>>>>>>你要俾自己知道，你在生係爲咗自己。<<<<<<<<
呢一段用英文講會容易啲：I’d advise you to not conform. Don’t be normal. Challenge stuff. Don’t rest on your laurels and call it a day. Shape the world. Use your will to power. Normalcy and mediocrity are despicable. Though there’s also this idea that normal people think they’re not abnormal, which I really like. Paradoxical? Absolutely! But this is what makes life worthwhile. Life is a constant struggle with yourself and a constant debate, an eternal fight for meaning, insight, and fulfilment.
我有證據。數學係教育制度邏輯、抽象思考要求最高嘅一科。普京㩒掣之前，我試過fail數。普京㩒掣之後，我唔使半年就double咗個數學分。唔知點解，有咗真正、長遠嘅動力之後，我就好容易get到啲concepts。（呢個亦都係我triangle比較弱嘅原因，因爲我form 2同form 3上學期冇聽書。）
想當年，我點樣從一個SVO都唔知係乜嘅小四生，躍升成一個小四writing滿分嘅人呢？都係因爲我解答咗自己嘅問題。我當時冇嘢叻，平庸到發嘔。我滿足咗自己嘅權力意志，意識到自己嘅長處，所以先有動力。
你可以發掘世界值得你留戀、欣賞、追求嘅嘢。例如基督教係上天堂，儒家思想係做聖人，等等（由於科學興起，對證據嘅要求越嚟越高，應該避免一啲爭議性嘅嘢，例如上帝）。呢啲嘢令成千上萬嘅人，每日朝頭早有動力落牀，而唔係等夜晚繼續發夢。
另外，強烈建議大家捉棋。起碼你可以有個渠道自high，以爲自己solve到puzzle就好勁。我就係俾捉棋折磨嘅人，呢六十四個格不斷提示緊我有幾蠢。亦有研究顯示，捉棋有助腦細胞連結。
*雖然我唔自己溫書［history整notes同中文做past paper除外，不過中文唔喺Best 5入面］，Best 5都predict有8.5+7+7+7+7=36.5，哈哈哈哈哈哈哈哈哈哈哈哈哈哈哈。Ok sorry
